हेटौंडा–८ कमानेमा मनमोहन स्मृति भवनको उद्घाटन
हेटौंडा/मकवानपुरको हेटौंडा उपमहानगरपालिका वडा नम्बर ८ स्थित मनमोहन स्मृति भवनको उद्घाटन गरिएको छ । नेकपा एमाले ८ नम्वर वडा कमिटी सहयोग संकलन गरेर निर्माण गरिएको उक्त भवनको आज शनिबार एक कार्यक्रमबीच उद्घाटन गरिएको हो ।
कुल २० लाख रुपैयाँ लागतमा निर्माण भएको सो भवन नेकपा एमाले बागमती प्रदेश कमिटीका सदस्य गोपाल बहादुर श्रेष्ठले उद्घाटन गरेका हुन् ।
भवन उद्घाटन कार्यक्रममा नेकपा एमाले मकवानपुरका अध्यक्ष एवम् बागमती प्रदेश सभा सदस्य एकालाल श्रेष्ठ, पार्टी कार्यालय सचिव राजन थापा, जिल्ला सदस्यहरू क्रमशः यशोदाकुमारी उप्रेती, सानु लामा, दीपक खड्का, नरेन्द्र भण्डारी, आरती पाठक लगायतकाको सहभागिता रहेको थियो ।
