वृद्धवृद्धालाई सहयोग गरेर देबकोटा कान्छोले मनाए जन्मोत्सव
हेटौंडा– समय मिडिया प्रालिका प्रबन्ध निर्देशक मनोज देवकोटा (देबकोटा कान्छो)ले आफ्नो र पिताको जन्मोत्सव वृद्धवृद्धालाई सहयोग गरेर मनाएका छन् ।
हेटौंडा–१५, स्थित दिव्यसेवा निकेतन ज्येष्ठ नागरिक आश्रयस्थलमा आश्रित वृद्धावृद्धालाई सहयोग गरेर मकवानपुरगढी पत्रकार समाजका उपाध्यक्षसमेत रहेका देवकोटा कान्छोले आफ्नो र पिताको जन्म उत्सव मनाएका हुन् । विगत एक दशक रेडियो पत्रकारिता गरिरहेका देवकोटा कान्छो हाल डिजिटल पत्रिका हेटौंडा टुडे डटकम सञ्चालन गर्दै आइरहेका छन् ।
देवकोटाले आफ्नो ३२ औं र आफ्नो पिताको ६२ औं जन्मोत्सवकको अबसरमा वृद्धवृद्धासँग केक काट्दै एक दिनको खाना र खाजा खुवाएका छन् । उनले जन्मोत्सवलाई अनावश्यक तडकभडक गरेरभन्दा वृद्धवृद्धासँग मनाउँदा धेरै आनन्द मिलेको बताए ।
कार्यक्रममा देवकोटाकी धर्मपत्नी सन्नु रिजाल, पिता रामशरण देबकोटा, सञ्चारकर्मी सागर सापकोटा, गौरव अर्याल, मकवानपुरे टिकटक स्टारका रुपमा परिचित दोहोरी गायिका सिता लम्सालसहित उनको दोहोरी टिमको उपस्थिति थियो ।
