मकवानपुरमा खोलाले बगाउँदा २२ वर्षीया युवतीको मृत्यु
हेटौंडा । मकवानपुरको पूर्वी क्षेत्रस्थित बागमती गाउँपालिकाको भोर्लेनी खोलामा एक २२ वर्षीया युवती मृत फेला परेकी छन् ।
बागमतीको ५ नम्बर वडास्थित भोर्लेनी खोलामा स्थानीय २२ वर्षीया भगवती भोलन मृत भेटिएको जिल्ला प्रहरी कार्यलय मकवानपुरले जानकारी दिएको छ ।
प्रहरी प्रवक्ता जयश्वर रिमालका अनुसार युवतीको शव बिहीवार भेटिएको हो ।
खोला तर्ने क्रममा भोलनलाई बगाउँदा मृत्यु भएको प्रारम्भिक अनुसन्धानमा देखिएको प्रवक्ता रिमालले बताएका छन् । घटना बारे थप अनुसन्धान भइरहेको प्रहरीले जनाएको छ ।
