महिला मिलनद्धारा आयोजित उद्यमशिलता विकास तालिम सम्पन्न
हेटौंडा/हेटौंडा उपमहानगरपालिका वडा नम्वर–१३ स्थित महिला मिलन बचत तथा ऋण सहकारी संस्थाद्धारा आयोजित उद्यमशिलता विकास तालिम सम्पन्न भएको छ । १३ नम्वर वडा कार्यालयको सहयोगमा गत शुक्रवारदेखि सञ्चालन भएको पाँच दिने उद्यमशिलता तालिम मंगलवार एक कार्यक्रमकाबीच सम्पन्न भएको हो ।
२२ जनाको सहभागितामा भएको तालिममा उद्योग तथा बाणिज्य कार्यालय मकवानपुर फाँट शाखाका प्रमुखम लेखमान राउत क्षेत्रीले कसरी व्यवसाय गर्ने र कुन तरिकाले व्यवसाय गर्दा सफल भईन्छ भन्ने विषयमा प्रशिक्षण दिईएको थियो । तालिममा घरेलु उद्योग दर्तादेखि व्यवसायका सम्पुर्ण विषय वस्तुहरुका बारेमा जानकारी गराईएको थियो ।
महिला मिलन बचत तथा ऋण सहकारी संस्थाकी अध्यक्ष मिना थापाको सभाध्यक्षतामा भएको तालिम समापन कार्यक्रममा १३ नम्वर वडाका वडा अध्यक्ष पेम्वा लामाको प्रमुख आतिथ्यता एंव जिल्ला बचत तथा ऋण सहकारी संघकी कोषाध्यक्ष विष्णुमाया लामाको विशेष आथित्यता रहेको थियो ।
