मकवानपुरका आठ पालिकामा अन्तिम मत परिणाम सार्वजनिक, कस्ले जित्यो ?
हेटौंडा– मकवानपुरमा ८ वटा गाँउपालिकाको मतगणना सकिएको छ । निर्वाचन कार्यालयले दिएको जानकारी अनुसार पालिकामा गठबन्धन अगाडि रहेको छ ।
एमालेले २ वटा गाउँपालिका र एक उपाध्यक्ष जितेको छ । गठबन्धनतर्फबाट नेपाली काँग्रेसले ५ वटा गाउँपालिका र माओवादीले १ नगर पालिकामा जित हाँसिल गरेको छ । नेपाली काँग्रेसले १ उपमेयर र माओवादीले ५ उपाध्यक्ष जित हासिल गरेको छ ।
एमालेले भिमफेदी गाउँपालिका अध्यक्ष तथा इन्द्रसरोवरमा अध्यक्ष र उपाध्यक्ष जितेको छ । इन्द्रसरोवरमा एमालेको उम्मेदवार अध्यक्षमा देवकृष्ण पुडासैनी र उपाध्यक्षमा उमाकुमारी लामा बिजयी भएका छन् । अध्यक्षका प्रतिद्वन्दी विश्वलाल लामाले ३४ सय ७२ मत प्राप्त गर्दा पुडासैनीले ३७ सय २२ मत प्राप्त गर्दै २ सय ५० मतको अन्तरले विजयी भएका हुन् ।
भिमफेदीमा एमालेका हिदम लामा ३ सय २ मतले बिजयी भएका छन् । लामाले ५५ सय ११ मत प्राप्त गरेका हुन भने ५२ सय ९ मत प्रतिदवान्दी बद्री बहादुर स्याङतानले प्राप्त गरेका थिए ।
यस्तै कांग्रेसले कैलाश गाउँपालिका अध्यक्ष र भिमफेदी गाउँपालिका उपाध्यक्ष जितेको छ । कैलाश गाउँपालिकामा नेपाली कांग्रेसका उम्मेद्बार लोकबहादुर मोक्तानले ८ सय ९ मतले पछि पार्दै अध्यक्षमा एमालेका नरेन्द्रलाल रिजाललाई पछि पार्दै मोक्तान विजयी भए । रिजालले ४ हजार ८८ मत प्राप्त गर्न सफल भएका थिए ।
कैलाश गाउँपालिकामा माओवादीका बालकुमार मल्लले उपाध्यक्ष जतेको हुन् । नेकपा एमालेका उपाध्यक्ष उम्मेद्वार सुकुमाया थिङलाई १ सय ५३ मत पछि पार्दै मल्लले जित हातेका हुन् । मल्लले ४ हजार ८८ र थिङले ३९ सय ३५ मत प्राप्त गरेकी थिईन् ।
यस्तै मकवानपुरगढी गाउँपालिका अध्यक्षमा गठबन्धनकातर्फबाट नेपाली कांग्रेसका अध्यक्षका उम्मेदवार दोर्जे लामा स्याङतान विजयी भएका छन् । नेकपा एमालेका अध्यक्षका उम्मेद्वार बिदुर हुमागाईलाई १ हजार ६१ मतले पछि पार्दै पालिका अध्यक्षले जितेका हुन् भने लामाले ६७ सय ६ र हुमागाँईले ५६ सय ४५ मत पाएका थिए ।
उपाध्यक्ष पदमा गठबन्धनका तर्फबाट नेकपा माओबादी केन्द्रका उम्मेदवार मानकुमारी पाख्रिन नेपाली विजयी भएकी छन् । नेपालीले ६१ सय १० र नेकपा एमालेलेकी उपाध्यक्ष उम्मेद्वार सन्तु थिङले ५२ सय ४ मत प्राप्त गरेकी थिइन् ।
यस्तै राक्सिराङ गाउँपालिकामा गठवन्धनका उम्मेद्वारहरु विजयी भएका छन् । गठवन्धनको तर्फबाट नेपाली कांग्रेसका राजकुमार मल्ल विजयी भएका छन् । मल्लले ९ सय ९ मतले पछि पार्दै नेकपा एमालेका अध्यक्षका उम्मेद्वार बाबुलाल स्याङतानलाई पराजित गरेका हुन् ।
स्याङतानले ४५ सय ७२ र मल्लले ५४ सय ८१ मत ल्याएका थिए । उपाध्यक्षमा पनि गठवन्धनकै तर्फबाट नेकपा माओवादी केन्द्रका बनस्तम थिङ निर्वाचित भएका छन् । नेकपा एमालेका उपाध्यक्ष उम्मेद्वार सुन्तली माया प्रजाले ४१ सय २९ मत प्राप्त गर्दा थिङले ४८ सय ३९ मत प्राप्त गरेकी थिइन् ।
यस्तै बकैया गाउँपालिकाको गठबन्धनतर्फका काँग्रेसका अध्यक्ष पदका उम्मेदवार धर्मराज लामिछाने विजयी भएका छन् । एमालेलेकी उम्मेद्वार सरला बोलखे ४ हजार २ सय २६ मतसहित पराजित भएकी हुन् भने लामिछानेले ११ हजार २ सय ९२ मत प्राप्त गरेका थिए ।
त्यस्तै उपाध्यक्षमा गठबन्धनकी भक्तबहादुर खत्रीले ९ हजार ५ सय २२ मत प्राप्त गर्दै विजयी भएका हुन् भने एमालेका उम्मेद्वार लाल बहादुर स्याङतानले ७ हजार ६ सय ५२ मत प्राप्त गरेका हुन् ।
यस्तै मकवानपुरको उत्तरी थाहानगर पालिकामा पनि गठबन्धनले जित हाँसिल गरेको छ । गठबन्धनतर्फबाट नेकपा माओवादीका मेयर पदमा विष्णु विष्ट ‘आर्दश’ ले ९ हजार ७ सय १९ मत ल्याएर विजयी भएका हुन भने एमालेका अचुतम प्रसाद ढकाल ७ हजार ७ सय ७१ मत प्राप्त गरि पराजित हुन पुगे ।
उममेयरमा गठबन्धनका तर्फबाट नेपाली कांग्रेसका भरत गोपालीले ८ हजार ६ सय ७ मत प्राप्त गर्दै विजयी भएका छन् । प्रतिद्वन्द्धी नेकपा एमालेका कल्पना बलामीले ८ हजार ५ सय २२ मत प्राप्त गरि पराजित भएकी हुन् ।
मनहरी गाउँपालिकामा गठबन्धनबाट कांग्रेसका रञ्जन कालाखेती अध्यक्षमा विजयी भएका छन् । उपाध्यक्षमा माओवादी केन्द्रबाट सिता पुलामी मगर निर्वाचित भइन् । मकवानपुरमा १० वटा स्थानीय तह छ । जसमध्ये बागमती गाउँपालिका र हेटौंडा उपमहानगरपालिकाको अन्तिम मतपरिणाम आइसकेको छैन् ।
